Sigrún Jónsdóttir

Sigrún Jónsdóttir (f. 1989) er tónskáld, hljóðfæraleikari, söngvari og pródúser. Sigrún hefur komið fram undir eigin nafni síðan 2016 og síðan þá gefið út 5 smáskífur: Hringsjá, Tog, Smitari, Onælan og Arfur, og nú nýverið breiðskífuna Monster Milk sem kom út í október 2024.

Tónsmíðar hennar þræða mörk hins akústíska hljóðheims og þess rafræna. Hún hefur tekið þátt í tónleikaröðum á borð við Hljóðön, Raflost og nú síðast Tíbrá. Nýlegasta tónsmíð hennar er verkið Ég fann rödd - Vókalísa fyrir Cauda Collective.

Sigrún er í grunninn hljóðfæraleikari en hún lagði stund á klarínettnám við Tónlistarskóla Hafnarfjarðar og ryþmískt básúnunám í Tónlistarskóla FÍH. Þaðan lá leiðin í Listaháskóla Íslands þar sem hún nam tónsmíðar við nýmiðladeild skólans og útskrifaðist þaðan árið 2015. Sem hljóðfæraleikari hefur hún unnið með fjölda ólíkra tónlistarmanna og hljómsveita á borð við Sigur Rós, Björk, Florence and the Machine og Damon Albarn á tónleikaferðum þeirra um heiminn í gegnum árin.