Mist Þorkelsdóttir

Mist Þorkelsdóttir nam píanó- og semballeik við Tónlistarskólann í Reykjavík. Árið 1982 lauk hún BA-prófi frá Hamline University þar sem hún nam tónsmíðar hjá Russell G. Harris. Árið 1983 hélt hún áfram tónsmíðanámi hjá Lejaren Hiller og Morton Feldman við State University of New York at Buffalo.

Hún sneri síðar aftur til Íslands, kenndi píanó um nokkurra ára skeið og tók virkan þátt í starfi samtaka á borð við Musica Nova og Ung Nordisk Musik. Árið 1993 lauk Mist meistaragráðu (MM) frá Boston University þar sem helstu kennarar hennar voru Theodor Antoniou og Lukas Foss.

Tríóverk hennar, Trinity, hlaut önnur verðlaun í samkeppni fyrir ung tónskáld sem Ríkisútvarpið stóð fyrir árið 1985. Hún hefur hlotið pantanir frá einstaklingum og stofnunum á Íslandi, í Svíþjóð og í Bandaríkjunum.

Verkaskrá hennar telur vel yfir fjörutíu tónverk, þar á meðal einleiksverk, kammerverk, kórverk og hljómsveitarverk.

Mist Þorkelsdóttir kennir tónsmíðar við Tónlistarskólann í Reykjavík og tekur virkan þátt í félagsstarfi íslenskra tónskálda. Hún er nú formaður Íslenskrar tónverkamiðstöðvar og situr jafnframt í stjórn Tónskáldafélag Íslands.