Ingvar Jónasson

Ingvar Jónasson (1927–2014) var einn af fremstu fiðlu- og víóluleikurum síns tíma og meðal fyrstu kynslóðar hljóðfæraleikara Sinfóníuhljómsveitar Íslands. Hann nam við Tónlistarskólann í Reykjavík, Royal College of Music í London og stundaði framhaldsnám í Austurríki og Bandaríkjunum.

Á löngum og fjölbreyttum ferli lék Ingvar með Sinfóníuhljómsveit Íslands, Malmö Symfoniorkester og Konunglegu óperuhljómsveitinni í Stokkhólmi. Samhliða tónleikahaldi sinnti hann umfangsmikilli kennslu á Íslandi og í Svíþjóð og kom víða fram sem einleikari og kammertónlistarmaður. Hann var jafnframt meðal stofnenda Musica nova og beitti sér ötullega fyrir kynningu á íslenskri samtímatónlist. Einnig hafði hann frumkvæði að stofnun Sinfóníuhljómsveitar áhugamanna og stjórnaði henni frá stofnun til ársins stofnaði Sinfóníuhljómsveit áhugamanna árið 2005.

Ingvar naut mikillar virðingar sem flytjandi og kennari, en fjölmörg íslensk tónskáld sömdu verk sérstaklega fyrir hann. Framlag hans til íslensks tónlistarlífs spannaði meira en hálfa öld og hafði varanleg áhrif á þróun hljóðfæraleiks og tónlistarmenningar á Íslandi.