Ingibjörg Azima

Ingibjörg Azima er tónskáld og básúnuleikari með burtfararpróf frá Tónskóla Sigursveins árið 1994. Ingibjörg lagði stund á nám í básúnuleik og útsetningum við tónlistarháskólann í Gautaborg, 1995 – 1999 og eins árs framhaldsnám, 1999-2000, við det kgl. konservatorium í Kaupmannahöfn.

Síðar lauk hún einnig námi í kórstjórn frá Uppsalaháskóla 2007 - 08. Ingibjörg hefur starfað sem básúnuleikari og kennari, kórstjóri, lúðrasveitarstjórnandi og tónskáld í Svíþjóð og á Íslandi. Tónsmíðar Ingibjargar Azimu eru fyrst og fremst innblásnar af íslenskri ljóðagerð. Ljóðrænn og þjóðlegur blær einkennir því oft tónsmíðar hennar.

Haustið 2015 kom út geisladiskurinn Vorljóð á ýli en hann inniheldur 9 sönglög Ingibjargar við ljóð Jakobínu Sigurðardóttur. Ingibjörg Azima hefur einnig samið tónlist að beiðni sjálfstætt starfandi tónlistarmanna og hópa, t.d. fyrir sópransöngkonuna Margréti Hrafnsdóttur, en Margrét hefur frumflutt tónlist eftir Ingibjörgu á fjölmörgum tónleikum. Einnig samdi Ingibjörg lög við ljóð Halldórs Laxness og Snorra Hjartarsonar fyrir Stirni Ensemble og var tónlistin við ljóð Snorra Hjartarsonar flutt á Sígildum sunnudögum í Hörpu haustið 2017 og á Rás 1.

Haustið 2018 gaf Ingibjörg út sönglagabókina Varpaljóð á hörpu en hún inniheldur 10 sönglög fyrir rödd/raddir og píanó við ljóð Jakobínu Sigurðardóttur en útgáfan var í tilefni 100 ára afmælis ljóðskáldsins.

Vorið 2019 samdi Ingibjörg Azima og útsetti tvö verk fyrir stórsveit Reykjavíkur og voru þau flutt á tónleikum sveitarinnar í Hörpu í febrúar og júní sama ár. Haustið 2024 kom annar hljómdiskur með tónlist Ingibjargar út, Logn, á vegum Odradek Records.

Ingibjörg Azima er básúnuleikari og tónskáld. Ingibjörg útskrifaðist frá tónlistarháskólanum í Gautaborg árið 1999 og árið 2000 frá tónlistarháskólanum í Kaupmannahöfn eftir eins árs framhaldsnám. Ingibjörg Azima stundaði einnig nám í kórstjórn við Uppsalaháskóla 2007-2008.

Árið 2015 gaf Ingibjörg út sinn fyrsta hljómdisk, Vorljóð á ýli, með 9 söngum sem hún samdi við ljóð Jakobínu Sigurðardóttur (1918-1994). Árið 2018 gaf Ingibjörg út bók með 10 söngum við ljóð sömu ljóðskáldsins til heiðurs 100 ára afmæli hennar.

Ingibjörg Azima hefur samið og útsett tónlist fyrir ýmsa listamenn og hópa, meðal annars Stirni Ensemble og Stórsveit Reykjavíkur. Annar geisladiskur hennar, Logn, sem inniheldur 11 ný lög sem hún samdi við ljóð fjórir mismunandi íslenskra ljóðskálda, kom út árið 2024 á vegum Odradek Records.