Auður Guðjohnsen

Auður lauk DipABRSM-prófi með hæstu einkunn frá Söngskólanum í Reykjavík vorið 2001. Hún hélt áfram námi við Royal Conservatoire of Scotland í Glasgow og lauk þar framhaldsdiplóma (Postgraduate Diploma) árið 2003. Auður lauk einnig LRSM-kennsluréttindaprófi í söng frá Söngskólanum í Reykjavík vorið 2005.

Auður hefur komið fram á fjölmörgum tónleikum á Íslandi og erlendis. Meðal helstu verkefna hennar sem altsöngkona eru meðal annars Níunda sinfónía Beethovens flutt í Sankti Pétursborg árið 2006, All-night Vigil (Vespers) eftir Rachmaninoff árið 2007, Requiem eftir Mozart með Mótettukór Hallgrímskirkju árið 2012 og Te Deum eftir Marc-Antoine Charpentier árið 2015.

Auður hefur komið fram á fjölbreyttum tónleikum og viðburðum, meðal annars djass­tónleikum með Gunnari Gunnarssyni og djasshljómsveit hans. Hún er meðlimur í kammerkórunum Schola Cantorum og Barbörukórnum, sem báðir eru atvinnukórar. Árið 2015 stofnaði Auður kvennasönghópinn Elfur ásamt nokkrum samstarfskonum.

Auður lauk M.Ed.Art-gráðu í listkennslu frá Listaháskóli Íslands árið 2017. Árið 2019 gaf hún út barnasöngbókina Tónlistin er þín, sem er aðgengileg á vefsíðunni www.tonafondur.com. Auður hefur samið yfir fjörutíu kórverk og lög. Hún kemur fram á tónleikum, brúðkaupum, jarðarförum og ýmsum viðburðum og starfar sem atvinnusöngkona og tónskáld, barnakórstjóri og tónlistarkennari.